Ечыгорнышто

Ечыгорнышто

Вес кечыш кусареныт

Волжск оласе ече базыште ече дене Марий Элын чемпионатше эртен.

Палемдыме корнышто классик йӧн дене ӱдырамаш-алак коклаште Курыкмарий район гыч Ирина Соловьёва икымше лийын. Кокымшо верыш Аида Сарвиро лектын. Бронзо медальын озаже - Юлия Падыганова. Пӧръеҥ-шамыч коклаште Морко районын тале эргыже Тигран Арутюнян - чемпион. Александр Шабалин кокымшо, а Алексей Избанов кумшо вер дене палемдалтыныт.

- Йӱштӧ игечылан кӧра 5 январьыште эртышаш таҥасымашым вес кечыш кусарыме. Тудо 18 февральыште Звенигово олаште эрта, - мане "Виктория" СШОР-ын директоржо Александр Захаров.

Елена Эшкинина

Александр Захаровын фотожо