Эше ик мастар

Эше ик мастар

8-19 февральыште ече дене Марий Элын сборныйжо Тюменьыште II Спартакиадыште вийжым терген.

Ӱдыр-рвезе-влак чатлама йӱштыштат стартыш лектыныт, палемдыме корным мучаш марте эртеныт. Эн куандарыше увер 18 февральыште лийын. Ӱдырамаш-шамыч марафонышто, 50 километрыште, классике йӧн дене вийыштым тергеныт.

Регионна гыч Ирина Соловьёва ден Юлия Падыганова ик эн тале улмыштым ончыктеныт. Юлия Российын спорт мастерже нормативым шуктен. Оршанке район гыч марий ӱдыр (тренерже-влак Дмитрий Сергеев ден Зиннат Ракеев) кызыт МарГУ-што физический культур спорт да туризм факультетыште тунемеш, «Виктория» СШОР-ышто ямдылалтеш.

Елена Эшкинина

Фотом "Виктория" СШОР-ын сайтше гыч налме