Рекламный баннер 990x90px header-top
Рекламный баннер 990x90px header-bottom
Ечыгорнышто мемнан-влак
Ечыгорнышто – мемнан-влак
Эртыше каныш кечылаште спортын тӱрлӧ видше дене элыштына кундемыште тӱрлӧ кӱкшытан таҥасымаш эртен.
Кызыт – теле тургым, сандене, ече дене таҥасымашым шотыш налын, спортсменна-влакын результатышт дене палдарена.
4-11 мартыште ечызе-влак Красноярскыште VIII всероссийский Теле универсиадыште вийыштым тергеныт. Марий Элын чапшым аралыше-шамыч коклаште Морко рвезе Тигран Арутюнян эн сай результатым ончыктен. Лу километр кужытышто МарГУ-н студентше латвизымше верыш лектын. Ушештарена, тений тудо Юл кундем федерал округышто сеҥышыш лектын.
Сибирьыште вузлаште тунемше-шамыч коклаште ече дене таҥасымаште регионна ден Марий кугыжаныш университетын чапыштым Р.Арбузов, Р.Важенин, А.Подыганов, А.Шабалин, И.Соловьёва, Ю.Падыганова да Е.Федотова араленыт. Тушто 17 гыч 25 ияш марте элнан 38 вузлаж гыч 259 спортсмен таҥасен. МарГУ-н командыже 16-шо вер дене палемдалтын.
Теле спартакиадыште биатлоныштат вийыштым тергат. Ярослав областьыште биатлон дене Российын первенствыштыже вич километрыште Марий Эл гыч Анна Александрова 4-ше, Кристина Фёдорова 8-ше лийыныт.
Пошкудо Озаҥ олаште 50 километран марафонышто регионна гыч ече дене Российын спорт мастерже Станислав Егоров 7-ше верыш лектын.
8 мартыште Советский районышто Совет Союзын Геройжо Алексей Громовын призше верч республик кӱкшытан таҥасымаште ятыр ечызе вийжым терген. А 9 мартыште Шернур район Марисола кундемыште поэт, киноактёр Йыван Кырлам шарныме лӱмеш 38-ше гана таҥасымаш эртаралтын. Тыгай мероприятий тушто йӱлаш пурен.
10 мартыште Козьмодемьянскыште ече дене Марий Элын кубокшо верч таҥасымаш ден Марий Эл первенствын V этапше эртеныт. Икымше верыш ӱдырамаш-влак коклаште Аида Сарвиро (Волжск), пӧръеҥ-шамыч коклаште Александр Тораев (Козьмодемьянск) лектыныт.
10 мартыште Кужэҥер районышто тренер-преподаватель В.Ельмекеевым шарныме лӱмеш ече дене таҥасымаш эртен. Ӱдыр-влак коклаште эн сай результатым Карина Волкова ончыктен.
Ече тургым иктешлалтын огыл, сандене спортсмен-профессионал-влаклан пиалан стартым, ечым йӧратыше-шамычлан чапле ечыгорным тыланена.
Елена Эшкинина
Авторын да "Виктория" СШОР-ын сайтше гыч налме фото.
Эртыше каныш кечылаште спортын тӱрлӧ видше дене элыштына кундемыште тӱрлӧ кӱкшытан таҥасымаш эртен.
Кызыт – теле тургым, сандене, ече дене таҥасымашым шотыш налын, спортсменна-влакын результатышт дене палдарена.
4-11 мартыште ечызе-влак Красноярскыште VIII всероссийский Теле универсиадыште вийыштым тергеныт. Марий Элын чапшым аралыше-шамыч коклаште Морко рвезе Тигран Арутюнян эн сай результатым ончыктен. Лу километр кужытышто МарГУ-н студентше латвизымше верыш лектын. Ушештарена, тений тудо Юл кундем федерал округышто сеҥышыш лектын.
Сибирьыште вузлаште тунемше-шамыч коклаште ече дене таҥасымаште регионна ден Марий кугыжаныш университетын чапыштым Р.Арбузов, Р.Важенин, А.Подыганов, А.Шабалин, И.Соловьёва, Ю.Падыганова да Е.Федотова араленыт. Тушто 17 гыч 25 ияш марте элнан 38 вузлаж гыч 259 спортсмен таҥасен. МарГУ-н командыже 16-шо вер дене палемдалтын.
Теле спартакиадыште биатлоныштат вийыштым тергат. Ярослав областьыште биатлон дене Российын первенствыштыже вич километрыште Марий Эл гыч Анна Александрова 4-ше, Кристина Фёдорова 8-ше лийыныт.
Пошкудо Озаҥ олаште 50 километран марафонышто регионна гыч ече дене Российын спорт мастерже Станислав Егоров 7-ше верыш лектын.
8 мартыште Советский районышто Совет Союзын Геройжо Алексей Громовын призше верч республик кӱкшытан таҥасымаште ятыр ечызе вийжым терген. А 9 мартыште Шернур район Марисола кундемыште поэт, киноактёр Йыван Кырлам шарныме лӱмеш 38-ше гана таҥасымаш эртаралтын. Тыгай мероприятий тушто йӱлаш пурен.
10 мартыште Козьмодемьянскыште ече дене Марий Элын кубокшо верч таҥасымаш ден Марий Эл первенствын V этапше эртеныт. Икымше верыш ӱдырамаш-влак коклаште Аида Сарвиро (Волжск), пӧръеҥ-шамыч коклаште Александр Тораев (Козьмодемьянск) лектыныт.
10 мартыште Кужэҥер районышто тренер-преподаватель В.Ельмекеевым шарныме лӱмеш ече дене таҥасымаш эртен. Ӱдыр-влак коклаште эн сай результатым Карина Волкова ончыктен.
Ече тургым иктешлалтын огыл, сандене спортсмен-профессионал-влаклан пиалан стартым, ечым йӧратыше-шамычлан чапле ечыгорным тыланена.
Елена Эшкинина
Авторын да "Виктория" СШОР-ын сайтше гыч налме фото.
12:52 12.03.2024 16+
Выбор редакции